وزیر مملکت موسمیاتی تبدیلی زرتاج گل دی اے پی پی نال گالھ مہاڑ

اسلام آباد ۔ 26 مارچ (اے پی پی)وزیر مملکت برائے موسمیاتی تبدیلی زرتاج گل منگل کو اے پی پی نال گالھ مہاڑکریندے ہوئیں آکھیے جو اسلامی نظریاتی کونسل صاف تے سرسبز پاکستان پروگرام،10 بلین ٹری سونامی پراجیکٹ دے فائدے ڈساونڑ بارے سارے مکاتب فکر دے علمائے کرام دی حمایت حاصل کرنڑ سانگے وختی کانفرنس دا اہتمام کریسی۔ انہاں آکھیا جو صدر مملکت ڈاکٹر عارف علوی کوں میں خود خط بھیجے ،جیندے اچ انہاں توں معاشرے دے ایں انتہائی اہم طبقے کوں صفائی ستھرائی تے ماحولیات دے تحفظ تے فروغ پروگرام اچ شامل کرنڑ سانگے اقدام دی درخواست کیتی ہے۔ زرتاج گل آکھیا جو ملک دے سرکاری تے پرائیویٹ اداریاں سمیت سول سوسائٹی ادارے وی وزیر اعظم دے صاف تے سبز پاکستان پروگرام، 10 بلین ٹری سونامی اتے ماحولیات سانگے شروع کیتے گئے پروگراماں اچ حصہ گھندے پن۔ انہاں آکھیا جو ماحولیات دے شعبے دی ترقی سانگے ہنڑ ٹائم ہے جو مذہبی طبقے کو ں وی انہاں کوششاں دا حصہ بنڑایا ونجے، ایں سلسلے اچ اسلامی نظریاتی کونسل ولوں علمائے کرام دی کانفرنس فائدہ ڈیسی۔