سلام آباد۔26جنوری(اے پی پی)چین پاکستان اقتصادی راہداری منصوبے بارے کابینہ کمیٹی دا اجلاس وفاقی وزیر منصوبہ بندی ، ترقیات اتے خصوصی اقدامات اسد عمر دی اڳواݨی اچ تھئے جیندے اچ سی پیک دے تحت ورکنگ گروپس نال شروع تھیوݨ آلے مختلف منصوبیاں تے پیشرفت دا جائزہ ڳگھدا ڳئے۔ اجلاس اچ صنعتی تعاون ، توانائی ، انفراسٹرکچر ، گوادر ، سائنس اینڈ ٹیکنالوجی ، سماجی و اقتصادی ترقی ، زراعت ، ٹرانسپورٹ اتے مواصلات اچ سی پیک منصوبیاں دی مجموعی پیشرفت اتے ایں سانڳے رکاوٹاں دا جائزشہ ڳھدا ڳئے۔ اسد عمر آکھیا جو سی پیک دے ڈوڄھے مرحلے اچ وزارتاں / ڈویژن سی پیک منصوبیاں دی رفتار تیکھی کرن اتے مقررہ مد تے عمل کرن، ودھ توجہ صنعتی تعاون تے ݙتی ونڄے۔ اجلاس اچ وزیر برائے توانائی عمر ایوب خان ، وزیر خارجہ شاہ محمود قریشی ، سمندری امور دے وفاقی وزیر سید علی حیدر زیدی ، وفاقی وزیر برائے خوراک امور تحفظ و تحقیق سید فخر امام ، وزیر اقتصادی امور امور مخدوم خسرو بختیار ، وزیر ریلوے اعظم خان سواتی ، وزیر تجارت و سرمایہ کاری عبدالرزاق دائود، مشیر ادارہ جاتی اصلاحات ڈاکٹر عشرت حسین، ڈپٹی چیئرمین پلاننگ کمیشن ڈاکٹر محمد جہانزیب خان اتے مختلف وزارتاں ڈویژناں دے عہدیداراں شرکت کیتی۔
