اسلام آباد۔7جنوری(اے پی پی)وفاقی وزیر برائے منصوبہ بندی، ترقی اتے خصوصی اقدامات اسد عمر دی زیرصدارت کابینہ کمیٹی برائے توانائی دا اجلاس تھئے جیندے اچ پاور ڈویژن گردشی قرضہ دی تازہ صورتحال ݙسائی۔ کابینہ کمیٹی برائے توانائی وزارت انفارمیشن ٹیکنالوجی اتے ٹیلی مواصلات بجلی توں میٹرلیس سمارٹ میٹرنگ سسٹم تے تجویزاں بارے الایا۔ کمیٹی پاور ڈویژن اتے آئی ٹی اینڈ ٹیلی مواصلات کوں ہدایت کیتی جو او مجوزہ ڈیزائن تے ولا الیسن اتے کٹھیاں تجویزاں ݙیسن۔ پٹرولیم ڈویژن بلوچستان اچ صنعتی گیس کنکشن ݙیوݨ سوکھا کرݨ کیتے کمیٹی بݨاوݨ دی تجویز ݙتی۔ اجلاس اچ وفاقی وزیر خزانہ عبدالحفیظ شیخ، معاون خصوصی برائے پیٹرولیم ندیم بابر، تجارت، ٹیکسٹائل، صنعت اتے سرمایہ کاری بارے وزیر اعظم دے مشیر عبدالرزاق داؤد اتے مختلف شعباں دے عہدیدار شریک ہن۔
