لاہور۔14جنوری (اے پی پی) پاکستان اچ اقلیتاں سانڳے حکومت اتے متروکہ وقف املاک بورڈ دا ہک اہم اتے وݙا کم، ملک اچ ہندواں اتے سکھاں سانڳے دنیا چھوڑ ونجݨ آلیاں سانڳے چھیکڑی رسماں ادا کرݨ سانڳے بݨائے ڳے شمشان گھاٹ دا افتتاح کر ݙتا ڳئے۔ وفاقی وزیر برائے مذہبی امور پیر نور الحق قادری چیئرمین متروکہ وقف املاک بورڈ ڈاکٹر عامر احمد تے ٻئے ہندواں اتے سکھاں دےرلے لاہور اچ شمشان گھاٹ دا افتتاح کیتا۔ ایں موقع تے میڈیا نال ڳالھ مہاڑ کریندیں ہوئیں وفاقی وزیر نورالحق قادری آکھیا جو ریاست مدینہ اچ وسݨ آلی ساری اقلیتاں کوں سارے بنیادی حقوق ݙتے ویندے پئن، ملکی ترقی تے خوشحالی سانڳے بین المذاہب ہم آہنگی ویلھے دی اہم لوڑھ اے۔
