اسلام آباد۔15جنوری (اے پی پی) وفاقی وزیر برائے منصوبہ بندی ترقی اتے خصوصی اقدامات اسد عمر نادرا رجسٹریشن آفس اباڑو ضلع گھوٹکی دے دفتر دا افتتاح کر ݙتے۔ جمعے کوں وزارت منصوبہ بندی ولوں جاری بیان دے مطابق ایں موقع تے وفاقی وزیر اسد عمر کوں نادرہ اباڑو گھوٹکی آفس اچ عوام کوں ݙتی ڳئی سہولتاں تے بریفنگ ݙتی ڳئی۔ ایں موقع تے وفاقی وزیر آکھیا جو نومبر اچ گھوٹکی دے دورے اچ علاقہ دے رہوݨ آلیاں اے آفس بݨاوݨ دا مطالبہ کیتا ہئی جیڑھا اڄ پورا تھی ڳئے۔ عوام کوں بہتر سہولتاں ݙیوݨ پاکستان تحریک انصاف دی حکومت دی پہلی ترجیح اے۔
