اسلام آباد۔25جنوری(اے پی پی)وزیراعظم عمران خان ترقی دی راہ اچ آوݨ آلیاں رکاوٹاں مکاوݨ کیتے پنڄ نکاتی ایجنڈا ݙیندے ہوئے آکھیے جو کرونا وبا مکݨ تئیں غریب ملکاں دے قرضے روکیے ونڄین، ترقی پزیر ملکاں کیتے500 ارب ڈالر دا امدادی فنڈ متعارف کرایا ونڄے، ویکسین فوری ݙتی ونڄے۔ اے تجویز انہاں اقوام متحدہ ولوں تجارت اتے ترقی بارے کانفرنس نال خطاب اچ آکھی۔ انہاٻں آکھیا جو اڄ ڄڳ کوں ودھ صحت اتے معاشی بحراناں دا سامݨا اے، کرونا پسماندہ طبقیاں اتے غریب ملکاں کوں ودھ متاثر کیتے، لکھاں لوک غربت دی ولھیٹ اچ آ ڳین، ساݙی کوشش اے جو پاکستان اچ لوکاں کوں کرونا توں علاوہ وبا اتے بکھ توں بچاوں جیندے کیتے ساݙی حکمت عملی کامیاب تھئی اے بھل وائرس دی ݙوڄھی لھر تے پورا قابو پاوݨ، معاشی نمو برقرار رکھݨ اتے متحرک کرݨ کیتے ودھ کم دی لوڑھ اے، کرونا پاروں ترقی پزیر ممالک بحالی کوششاں اتے قرڄ لہاوݨ اچ پھسیے ہوئن، ݙر اے جو ایندے کیتے 2030 تئیں پائیدار ترقیاتی اہداف سانڳے کم نہ تھیا تاں ڄڳ کیتے ٻئے وݙے چیلنج سامݨے آسن۔انہاں تجویز ݙتی جو ترقی پذیر ممالک کوں معاشی و اقتصادی ترقی دے وسائل خرچ کرݨ اچ مدد اتے وادھو قرضیاں توں بچاوݨ کیتے ہتھ ونݙایا ونڄے، قرض ادائیگی موخر کیتی ونڄے، پبلک سیکٹر دے قرض دی ری سٹرکچرنگ کر تے کثیرالجہتی ترقیاتی بینکاں نال مراعاتی مالی اعانت اچ توسیع ہووے ڄݙاں جو بدعنوان سیاستداناں اتے مجرماں دے زیر قبضہ چوری شدہ سرمائے کوں ولاوݨ کیتے اقدامات کیتے ونڄن۔
