سرینگر۔5جنوری(اے پی پی)کنٹرول لائن دے آر پار اتے پورے جڳ اچ کشمیریاں یوم حق خود ارادیت ایں تجدید عہد نال منائے جو بھارتی تسلط توں مکمل آزادی تئیں جدوجہدآزادی جاری رکھی ویسی۔ اے ݙینھ مناوݨ دا مقصد عالمی برادری کوں یاد ݙیواوݨ اے جو ست ݙھاکے گذرݨ دے باوجود وی جموں وکشمیر بارے اقوام متحدہ دی قرارداداں تے عملدرآمد نئیں تھیا۔ ایں سانڳے جگ اچ مختلف ملکاں اچ کشمیری تنظیماں ولوں ریلیاں کݙھیان ڳین، مظاہرے تھین اتے سیمینار سودھا کانفرنساں کرایاں ڳین جیندے اچ کشمیر اچ بھارتی مظالم، کشمیریاں دے حقوق سلب کرݨ، غیر قانوی و غیر آئینی اقدامات، بھارتی فوج دے محاصے اتے ٻیاں سماجی و معاشرتی پابندیاں تے آواز چاتی ڳئی۔