لاہور۔28جنوری(اے پی پی) وزیر صحت پنجاب ڈاکٹر یاسمین راشد آکھیے جو کورونا ویکسین دا چین نال چلݨ آلا ٹرائل مکمل تھی ڳئے، کڄھ ݙینھ اچ نتائج آویسن،پہلے مرحلے اچ فرنٹ لائن ورکرز کوں ویکسین لاائی ویسی، پنجاب اچ کورونا نال اموات دی شرح ڳھٹی اے۔ وزیر صحت پنجاب یاسمین راشد راولپنڈی اچ میڈیا نال الیندے آکھیا جو پنجاب اچ 52 لکھ صحت کارڈ ونݙیج ڳین، صحت کارڈ نال 7 لکھ 20 ہزار روپے تئیں علاج دی سہولت ہوسی، خیبرپختونخوا اچ ہر خاندان کوں صحت کارڈ ݙے ݙتا ڳئے، وزیراعظم چاہندن جو پاکستان فلاحی ریاست بݨے۔