احمدپورشرقیہ۔12فروری  (اے پی پی):کمشنر بہاول پور ڈویژن کیپٹن محمد ظفر اقبال  دی موجودگی اچ 16ویں چولستان ڈیزرٹ جیپ ریلی دا آغاز،  کمشنر بہاول پور ڈویژن کیپٹن محمد ظفر اقبال دا چولستان ڈیزرٹ جیپ ریلی دے انتظامات دا جائزہ گھنݨ کیتے ݙیراور فوڈ اسٹریٹ اتے کیمپ سائیٹ دا دورہ کیتے۔ ریجنل پولیس آفیسر بہاول پور زبیر احمد دریشک، ڈپٹی کمشنر بہاول پور مظفر خاں سیال، ڈی پی او بہاول پور حسن مشتاق سکھیرا وی انہاں دے رلے ہن ۔کمشنر بہاول پور ڈویژن آکھیے جو چولستان ڈیزرٹ جیپ ریلی مستحکم پاکستان دی نمائندہ اے۔سیکورٹی دے فول پروف انتظامات کوں یقینی بݨایا ونڄے،جیپ ریلی کیتے ٹریفک پلان، ریسکیو، سیکورٹی اتے تفریحی سرگرمیاں کوں  مربوط منصوبہ بندی نال توڑ پڄایا ونڄے ۔چولستان ڈیزرٹ جیپ ریلی دی 15کلومیٹر دی حد اچ پبلک و پرائیویٹ کیمپس قائم کیتے ڳئن ۔ریلی اچ چارے صوبیں دی نمائندگی اساݙے ہک مٹھ ہووݨ  اتے بھرپی دی بہترین مثال اے ۔