رپورٹ: شفیق الرحمن

خیبرپختونخوا دے لکھاں لوکاں بالخصوص غریب ،نادار اتے محروم طبقہ کیتے علاج معالجہ دی مفت سہولت ہک نعمت ثابت تھئی اے- کئی ݙھاکیاں توں چنڳے علاج توں محروم لوکاں کوں صحت دیاں چنڳیاں اتے مفت سہولتاں سوکھیں مل ویسن جیندے کیتے صحت انصاف کارڈ نال علاج وی مفت تھیسی اتے گھر دے خرچ کیتے مالی دبائو وی ڳھٹسی اتے وہ سوکھیں اپݨے ٻالاں دا پیٹ پال سڳسن۔ لوک عطائیاں دے ہتھ لڳݨ دی بجائے وݙے ہسپتالاں اچ علاج دی سہولت ڳھن سڳسن۔

خیبرپختونخوا دے وزیرخزانہ وصحت تیمورسلیم جھگڑا آکھیے جو کے پی کے پہلا صوبہ اے جتھاں مفت علاج دی سہولت ݙتی ڳئی اے۔ وزیراعظم  عمران خان دے” صحت دی سہولت سب  کیلئے” دے وژن تے صوبے دی سو فیصدآبادی کوں ریکارڈ 3 مہینے اچ اے سہولت ݙتی ڳئی اے، ایں سانڳے صوبے دے 280 ہسپتالاں اچ اینٹی کورونا ویکسینیشن سنٹرز بݨائے ڳین۔ اینٹی کورونا ویکسین کیتے ݙھائی ہزار عملے دی تربیت کیتی گئی اے اتے 64 ہزار توں ودھ صحت ورکرز مریضاں کوں ویکسین ݙیوݨ کیتے پہلے ہی رجسٹرڈ تھی چکین اتے کے پی کے اچ وی پی ٹی آئی دے منشور دے یونیورسل ہیلتھ کوریج(یوایچ سی) دے مطابق لوکاں کوں صحت پلس کارڈز(ایس پی سی)ݙتے ڳین۔

چترال توں ڈی آئی خان تئیں سارے اضلاع یوایچ سی اچ تے 4 سو توں ودھ سرکاری ونجی ہسپتال ایس پی سی پروگرام دی لسٹ اچ شامل ہین۔ صوبے دے 7 جنوبی اضلاع اچ مفت علاج جاری اے۔ ایس پی سی دے تحت ہرمستحق خاندان ہک سال اچ 10 لکھ تئیں مفت علاج کرا سڳسی جیندط نال چار کرآر لآک فیدع چیسن۔ایس پی سی ے تحت امراض قلب دے مریضاں کوں مفت سٹنٹ ملدن، جیندے تے 5 لکھ روپے خرچ آندا ہا۔ایں ویلھے ایل آرایچ اچ دل دے 40 مریضاں اچوں ہک کوں سٹنٹ پاتا ڳئے، ایویں ہی چترال، لوئردیر، ملاکنڈ، سوات، بٹگرام، مانسہرہ،ایبٹ آباد، بونیر، ہری پور، صوابی، نوشہرہ، چارسدہ، کوہاٹ، ہنگو، بنوں، لکی مروت، ڈی آئی خان دے 6 ہسپتال پینل تے ہین۔ مقامی لوکاں اے سہولت ملݨ تے حکومت خاص کر وزیراعظم عمران خان اتے صوبائی حکومت دا شکریہ ادا کیتے جئیں غریباں دا ݙکھ سمجھیے اتے انہاں دے ٻانھ ٻیل بݨین۔

پروگرام دی کامیابی کیتے کے پی کے حکومت 2020-21 دے بجٹ اچ 18ارب روپے رکھین۔ ایندے نال شناختی کارڈ نال لوک علاج کرا سگسن اتے کینسر جھیں بیماری سودھا کڈنی ٹرانسپلانٹ، امراض قلب اتے ٻئے دائمی مریضوں دا چنڳاں علاج تھیسی۔ لوکاں آکھیے جو اے انہاں دی وݙی لوڑھ ہئی بھل پچھلیاں حکومتاں انہاںد ا خیال نئیں رکھیا بھل پی ٹی آئی کوں سلام اے جئیں صوبے دے لکھاں لوکاں دا اوکھ سمجھیے اتے اے سوھݨا اقدام چاتے۔