اسلام آباد۔25فروری(اے پی پی)وزیراعظم عمران خان آکھیے جو راوی سٹی منصوبہ لاہور دی رہائشی و ٻیاں ضروریات پوری کرݨ کیتے ہام اے، ایندے نال روزگار، سرمایہ کاری اتے معاشی سرگرمیاں دے مواقع نکلسن۔ اے ڳالھ انہاں لاہور اچ سنٹرل بزنس ڈسٹرکٹ بݨاوݨ اتے راوی سٹی منصوبےدے ہفتہ وار اجلاس دی صدارت کریندے آکھی۔ اجلاس اچ والٹن لاہور اچ سنٹرل بزنس ڈسٹرکٹ بارے بریفنگ ݙتی ڳئی۔ اجلاس والٹن اچ شہری آبادی پاروں تربیتی پروازاں کیتے استعمال تھیوݨ آلے ائیرپورٹ کوں پروازاں کیتے خطرناک قرار ݙیندے ایندی منتقلی کیتے اقدامات تے غور کیتا ڳئے۔  اجلاس اچ سنٹرل بزنس ڈسٹرکٹ اتے راوی سٹی منصوبے تے پر پیشرفت ݙسائی ڳئی جیندے کیتے لاہور موٹر وے توں 20 کلومیٹر طویل سڑک وی بݨسی۔