کولمبو۔23فروری(اے پی پی)پاکستان اتے سری لنکا مختلف شعباں اچ تعاون کیتے مفاہمت دی یاداشتاں تے دستخط کیتن۔ دورہ سری لنکا دے پہلے ݙینھ وزیر اعظم عمران خان اتے سری لنکا دے وزیر اعظم مہندا راجا پاکسے کلہیں ملاقات کیتی جیندے بعد وفد دی سطح تے ڳالھ مہاڑ تھئی۔ ایں موقع تے سیاحت،ماحولیات سودھا ٻئے شعبیاں اچ تعاون کیتے مفاہمت دی مختلف یادداشتاں تے دستخط کیتے ڳین۔ پاکستان ولوں وزیراعظم دے معاون خصوصی برائے موسمیاتی تبدیلی ملک امین اسلم،وزیر اعظم دے معاون خصوصی برائے اوورسیز پاکستانیز سید ذوالفقار عباس بخاری اتے ٻنھاں دستخط کیتن۔ دستخط دی تقریب اچ وزیر اعظم عمران خان اتے سری لنکن وزیراعظم راجا پکسے وی موجود ہن۔