اسلام آباد۔28فروری(اے پی پی)صدر مملکت ڈاکٹر عارف علوی آکھیے جو پاکستان مصنوعات دی ویلیو ایڈیشن اتے پراسسنگ سہولتاں چنڳیاں کر تے عالمی منڈی اچ اپݨی ڄاہ بݨا سڳدے، بیرون ملک سفارتخانے تجارتی نمائشاں کراتے ملکی معیشت تکڑی کرݨ کیتے کردار ادا کرن۔ اے ڳالھ انہاں ایوان صدر اچ وزارت تجارت اتے سرگودہا چیمبر آف کامرس اینڈ انڈسٹری ولوں ترشاوہ   پھلاں دی نمائش(سٹرس شو2021) نال خطاب کریندے آکھی۔ انہاں یونیورسٹیاں اچ زرعی تحقیق تے زور ݙیندے ملکی پیداواری صلاحیت ودھاوݨ کیتے اقدامات تے زور ݙیندے آکھیے جو پاکستان زرعی ملک اے ایں سانڳے کینو اتے ٻئے پھلاں دی پیکنگ، سٹوریج، ویلیو ایݙیشن اتے پراسسینگ دیاں سہولتاں ودھا تے برآمدات ودھایاں ونڄ سڳدن تاں جو اساں عالمی منݙیاں دی لوڑھ دے قابل تھی سڳوں۔ انہاں زرعی میدان اچ نامیاتی فارمنگ اتے زرعی ادویات سازی اچ جدید ٹیکنالوجی دے استعمال دا وی آکھیا۔