اسلام آباد۔13فروری  (اے پی پی):عالمی ادارہ صحت (ڈبلیو ایچ او)دےڈائریکٹر جنرل ٹیڈروس ادھانوم گیبریسس آکھیے جو مختلف ملکاں اچ صحت عامہ دے سخت اقدامات تے عمل درآمد پاروں پوری دنیا اچ کووڈ-19 دے نویں مصدقہ کیس مسلسل گھٹ تھیندے پئن ،تاں جو اساکوں ہݨ احتیاط کرݨی چاہیدی اے ۔ھک پریس کانفرنس اچ انہاں آکھیے جو صحت عامہ دے سخت اقدامات اختیار کرݨ دے علاوہ ویکسین دی تیاری کوں ودھاوݨ تے سارے ملکاں کوں ویکسین ݙیوݨ دا  کووڈ-19 دی وبا تے قابو پاوݨ اچ فیصلہ کم کردار اے ، ایندے توں پہلے عالمی ادارہ صحت اڄوکے سال دے پہلے سو ݙینھاں دے اندر سارے ملکاں دے طبی عملے تے بڈھے لوکاں کوں ویکسین لاوݨ دے حوالے نال منصوبہ بندی کیتی اے ۔آندے جمعے کوں پنجاہ ݙینھ پورے تھی ویسن ، انہاں ویسکسین دی تیاری کوں تکھا کرݨ تے ٹیکنالوجی دے تبادلے دی اپیل کیتی تاں جو مناسب تعداد اچ ویکسین ݙتی ونڄ سڳے تے ایندی منصفانہ ونڈ تھی سڳے ۔