راولپنڈی۔27فروری(اے پی پی)پاک فوج دے شعبہ تعلقات عامہ (آئی ایس پی آر)27 فروری 2019 کوں پاکستانی فضائیہ کولو شکست کھا تے پاک سرزمین تے پکڑیڄݨ آلے بھارتی پائلٹ ابھی نندن دا خصوصی بیان جاری کیتے جیندے اچ آکھیا ہا جو فضا توں میکوں ݙوہین ملکاں دا کوئی پتا نئیں لڳیا جو پیراشوٹ نال ݙٹھاں تاں میں پاکستان اچ ہاں یا بھارت اچ، میکوں اے علاقے اتے لوک ہکو جھیں لڳدے پئے ہن۔ میں ݙٹھاں تاں اینڄھی سٹ لڳی اے جو میں ہل وی نامی سڳدا،ماں جاݨݨ دی کوشش کیتی جو میں کتھاں ہاں، ڄݙاں میکوں پتا لڳے جو اے میݙا ملک نئیں تاں میں بھڄݨ دی کوشش کیتی، جوشیلے لوک میکوں پکرݨ کیتے میݙے پچھو پئے ڳین۔ اوں ویلھے پاک فوج دے 2 جوان آئن جئیں میکوں اتھاں بچائے، انہاں نال ہک فوج دے کپتان وی ہن، او میکوں ڳھن تے اپݨے یونٹ ڳھن ڳین اتے فرسٹ ایڈ ݙتی۔ اتھو میں ہسپتال ڳیاں۔ ابھی نندن آکھیا جو میں اتھاں ٻہوں کاطر داری نال ہاں۔ ابھی نندن آکھیا جو کشمیر نال جو کڄھ تھیندا پئے او تہاکوں پتا اے نہ میکوں، ٻس ساکوں سکون نال سوچݨا چاہیدے۔ بھارتی پائلٹ پاک فوج دی تعریف کریندے آکھیا جو میں ایکوں ٻہوں پیشہ ورانہ اتے دلیر ݙٹھے اتے میں ٻہوں متاثر تھیاں۔
