بھارت پاکستان کوں بلیک لسٹ اچ رلاوݨ کیتے ناکام رہے، وزیرخارجہ مخدوم شاہ محمودقریشی

اسلام آباد۔26فروری(اے پی پی)وزیرخارجہ مخدوم شاہ محمودقریشی ایف اے ٹی ایف دے فیصلے اتے سیز فائر معاہدے بارے آکھیے جو بھارت ،پاکستان کوں بلیک لسٹ اچ پواوݨ کیتے ناکام رہے، ڈی جی ایم او دا رابطہ، سیز فائر معاہدے دی پاسداری تے آمادگی مثبت قدم اے۔ ہک بیان اچ انہاں آکھیا جو اللہ دے فضل نال بھارت ہر فورم تے ناکام تھیندا پئے، اساں فیٹف کیتے پوری کوشش کیتی اے جیندے اچ وݙی کامیابی ملی اے اتے ایکوں منیا وی ڳئے جو پاکستان پاکستان ٹیررفنانسنگ اتے منی لانڈرنگ دے خلاف سنجیدہ اے، اتے پاکستان 27 اچوں 24 نکات پورے کیتن جیڑھی وݙی کامیابی اے باقی 3 نکات تے وی کم کر ڳھنسوں کیوں جو اے ساݙے اپݨے مفاد اچ وی ہین۔