ترکے اچ ملݨ آلے مسلیاں پاروں مہانگ ودھیے، صورتحال تیکھے سدھر ویسی، وزیراعظم عمران خان دا سنٹرل بزنس ڈسٹرکٹ دی تقریب نال خطاب

لاہور۔26فروری(اے پی پی)وزیراعظم عمران خان آکھیے جو ترکے اچ ملݨ آلے مسلیاں پاروں ملک اچ مہانگ قدھیے بھل حکومت دیاں چنڳیاں پالیسیاں نال صورتحال تیکھے سدھر ویسی، پچھلے ݙاہ سال ملکی تاریخ دا تاریک ترین دور ہئی، سنٹرل بزنس ڈسٹرکٹ پاروں کاروباری سرگرمیاں ودھسن، منصوبے دے پہلے مرحلے اچ 1300 ارب روپے دی کاروباری سرگرمیاں تھیسن، قطر نال ایل این جی دے نویں معاہدے پاروں آندے ݙاہ سال اچ 3 ارب ڈالر دی بچت تھیسی۔ اے ڳالھ وزیراعظم لاہور اچ سنٹرل بزنس ڈسٹرکٹ دا منݙھ ٻدھݨ ویلھے آکھی اتے منصوبہ کاروباری سرگرمیاں ودھݨ سودھا ملکی آمدنی وی ودھسی، راوی سٹی اتے والٹن منصوبے اچ بیرون ملک مقیم پاکستانی ودھ حصہ ڳھنن۔ انہاں آکھیے جو حکومتی کوششاں نال ملک اچ اپݨے گھر دا خواب پورا تھیسی۔