لاہور۔21فروری(اے پی پی)وزیراعلیٰ پنجاب عثمان بزدار آکھیے جو ما ٻولی دا تحفظ اساں ساریاں دی ذمہ واری اے، اڄ ساکوں ما ٻولی دے ودھارے کیتے عزم کرݨ دی لوڑھ اے۔ ما ٻولی دے عالمی ݙینھ تے سنیہے اچ وزیراعلی پنجاب عثمان بزدار آکھیے جو زبان قوماں دی سنڄاݨ اتے ماݨ ہوندی اے، اڄوکے دور اچ وی ما ٻولی دی اہمیت ڳھٹی نئین، ودھی اے، ما ٻولی اچ ٻالاں کوں تعلیم ٻالاں دی ذہنی ودھوتری تے مثبت اثرات سٹیندی اے اتے ایندے نال زبان کوں ترقی ݙیوݨ اچ ہتھ ونڈیندے۔ انہاں آکھیا جو قومی سنڄاݨ اتے قیمتی تہذیبی و ثقافتی ترکے دے طور تے ما ٻولی دی ودھ حیثیت اے، ما ٻولی دا ہر لوظ اتے جملے اچ قومی روایات، تہذیب وتمدن، ذہنی و روحانی تجربے لکیے ہوندن۔ انہاںآ کھیا جو اے ہک سماجی عطیہ اے جیڑھا پیڑھیاں کوں اڳو تے ٹردا راہندے، ایں سانڳے ما ٻولی دےو دھارے کیتے رل مل تے کم کرݨا چاہیدے۔
