سینیٹ الیکشن پی ٹی آئی جیتسی، اسلام آباد دی سیٹ تے حفیظ شیخ ہی جیتݨن، وزیر داخلہ شیخ رشید احمد

اسلام آباد۔28فروری(اے پی پی)وزیر داخلہ شیخ رشید احمد آکھیے جو سینیٹ الیکشن پی ٹی آئی جیتسی، اسلام آباد دی سیٹ تے حفیظ شیخ ہی جیتݨن، کل سپریم کورٹ دا اہم فیصلہ آوݨے، یوسف رضا گیلانی ہک واری پہلے وی زرداری دی کرپشن بچاوݨ کیتے قربانی ݙتی ہئی، ترک وزیراعظم دی زال دا سیلاب زدگان کیتے ݙتا ہار اپݨی زال کوں پوا ݙتا ہا، افواج پاکستان اتےر سول حکومت رل تے ملک کوں اڳو تے ڳھن ویسی،42 ملکاں دی بحری مشق پاکستان دی کامیابی اے، ایف اے ٹی ایف دے معاملے تے پاکستان کوں کامیابی ملی اے، بھارت نال الاوݨ چاہندے ہیں بھل کشمیر کوں پچھو ست تے کوئی وی ڳالھ مہار ملک و قوم اتے کشمیریاں نال غداری ہوسی۔ اے ڳالھ انہاں پریس کانفرنس اچ آکھی جو پنجاب سودھا سارے سؤبیاں اچ سینیٹ الیکشن دا سیاسی جماعتاں کوں حصہ اوندے حصے دے مطابق ملسی، اسلام آباد دی سینیٹ نشست کیتے خواہ مخواہ دھوڑاں پٹݨ دی کوشش تھیندی پئی اے بھل جیتسی حفیظ شیخ ہی، عمران خان ہی تحریک انصاف ہین اتے انہاں نال غداری کرݨ آلے کیتے کتھائیں کوئی ڄاہ کائنی، ھفیظ شیخ دا ملک دی معاشی بحالی و ترقی اچ وݙا کردار اے، افسوس تھیندے جو کیوں ساݙیاں ایجنسیاں اتے فآج بارط أالہیں کیتان آیندن، سول و عسکری بہتر تعلقات دا ملک و قوم ݙوہیں کوں فیدہ تھیندے۔