واشنگٹن۔7فروری (اے پی پی):امریکی محکمہ خارجہ دے ترجمان زید تارڑ آکھیے جو صدر جو بائیڈن مسئلہ کشمیر دا وختی حل چاہندن ۔کشمیر میڈیا سروس دے مطابق زید تارڑ ہک انٹرویو اچ آکھیے جو صدر جو بائیڈن واضح کیتے جو امریکہ کیتے انسانی حقوق ھک بنیادی مسئلہ اے۔انہاں آکھیے جو امریکہ سمجھدے جو کشمیر انسانی حقوق دا مسئلہ اے۔ انہاں آکھیے جو امریکہ چاہندے جو کشمیر اچ وختی موبائل سروس اتے 4 جی کوں بحال کیتا ونڄے ۔ انہاں آکھیے جو نویں امریکی صدر اعلان کیتے جو سپر پاور دنیا وچ واپس ول آئی اے ۔نویں امریکی صدر چاہندن جو دنیا دے سارے مسائل رل تے حل تھیون ۔
