اسلام آباد۔25 فروری(اے پی پی)وفاقی وزیر اطلاعات و نشریات سینیٹر شبلی فراز آکھیے جو ن لیگ ہمیشہ دھاندلی اتے فراڈ نال الیکشن مینج کیتے، اپوزیشن دے دلائل (ن) لیگ دے پسماندہ ذہن دے عکاس ہین، اے سمجھدن الیکشن جیتݨ دا ڄماندرو حق انہائیں دا اے، جیڑھے اعتراضات کیتے ڳین او (ن) لیگ دے مائنڈ سیٹ آلے ہین، اپوزیشن دے وکیل دے دلائل اچ کوئی ثبوت کائنا ہن، 2013ء اتے اڄ دے الیکشن کمیشن اچ فرق اے جو اے لوکاں دا ضمیر مل ڳھنݨ کیتے پیسہ لیندن، اپوزیشن کوں منافقانہ رویے تے قوم کوں پت ݙیوݨی ہوسی۔ اے ڳالھ انہاں معاون خصوصی عثمان ڈار اتے پی ٹی آئی رہنما علی اسجد ملہی دے کٹھے الیکشن کمیشن دے باہرو میڈیا نال الیندے آکھی۔ انہاں آکھیے وج اڄ الیکشن کمیشن ہک آزاد اتے خود مختار ادارہ اے، اپوزیشن ول ول اپݨی ڳالھ توں مکر ویندی اے، اپݨے ہی بیانیہ دی نفی پی ڈی ایم دی ریت بݨ ڳئی اے، الیکشن ہرݨ تے دھاندلی دا شور پا ݙیندن۔ انہاں آکھیا جو سینیٹ الیکشن آڳین جیندے کتیے سوداگر تیار ٻیٹھن، اے ہمیشہ ووٹ مل ڳھنݨ اچ لڳے راہندن۔ جیکر پی ٹی آئی دھاندلی کرݨی ہوندی تاں وزیر آباد اچ کیوں نیں کیتی؟ مریم نواز ملکی اداریاں کوں متنازعہ بݨیدی پئی اے،ساکوں الیکشن کمیشن دا ہر فیصلہ قبول اے۔
