تونسہ شریف۔23فروری(اے پی پی)وزیراعلیٰ پنجاب دے بھرا سردار عثمان خان بزدار دے بھرا عمر خان بزدار ریتڑہ دے نیڑے مرحوم سئیں ارشاد تونسی دی ڈیرے” آشرم ” ڳین اتے اتھاں مرحوم دانشور و ادیب سئیں ارشاد تونسی دی نوں سیئݨ ڈاکٹر سعدیہ کمال کوں پرچاوݨی ݙتی۔ انہاں مرحوم دیاں ادبی اتے سماجی خدمتاں کوں خراج عقیدت پیش کریندے وسیب کیتے ہک وݙا ڄیان قرار ݙتا۔ انہاں دے نال افسوس کیتے سابق چیئرمین یوسی ڈونہ، سینئر صحافی ملک منصور احمد، سینئر صحافی ملک ظفر اقبال، سینئر صحافی منیر احمد عینی، اکبر دوانی اتے سابق چیرمین صلاح الدین بزدار اتے ٻئے معززین علاقہ وی موجود ہن۔ انہاں دعا کیتی جو اللہ تعالیٰ مرحوم کوں جنت اچ ڄاہ ݙیوے اتے انہاں دے سوگوار ٹبر کوں صبر آوے۔
