پاکستان اتے سری لنکا ݙوطرفہ تجارت، مختلف شعباں، علاقائی سلامتی اتے دہشتگردی دے خلاف جنگ اچ تعاون تے الائے، وزیرخارجہ شاہ محمود قریشی

اسلام آباد۔24فروری(اے پی پی)وزیر خارجہ شاہ محمود قریشی دورہ سری لنکا کوں کامیاب قرار ݙیندے آکھیے جو پاکستان اتے سری لنکا ݙوطرفہ تجارت، مختلف شعباں، علاقائی سلامتی اتے دہشتگردی دے خلاف جنگ اچ تعاون تے الائے۔ ݙوہیں پاسو سرمایہ کاری، صحت ، تعلیم، زراعت، سائنس و ٹیکنالوجی سودھا انسانی وسائل دی ترقی تے ڳانݙھا ودھاݨ تے اتفاق کیتے۔ انہاں آکھیا جو وزیراعظم دا دورہ ثبوت اے جو ݙوہیں ملکاں دے تعلقات ٻئے تکڑے تھیندے پین، ایں سانڳے ملاقاتاں، روابط اتے “تجارت و سرمایہ کاری کانفرنس” اہم پیشرفت اے۔ اساں سی پیک اتے بیلٹ اینڈ روڈ منصوبے تؤں فیدہ چاوݨ، معاشی سرگرمیاں سارک اتے ٻئے عالمی و علاقائی فورمز تے ودھاوݨ کیتے کوششاں تے ڳالھ مہاڑ کیتی اے جیڑھی سری لنکا اتے پاکستان ہی نئیں پورے خطے دے مفاد اچ اے۔