پاکستان اوکھا ویلھا کݙھ ڳھدے، حکومت چنڳے فیصلیاں نال معیشت کوں درست راہ تے سٹ ݙتے، وفاقی وزیر صنعت و تجارت حماد اظہر

اسلام آباد۔28فروری(اے پی پی)وفاقی وزیر صنعت و تجارت حماد اظہر آکھیے جو وزیراعظم عمران خان دی اڳواݨی اچ حکومت ویلھے تے اوکھے فیصلیاں نال معیشت کوں درست سمت تے سٹیے جیندے چنڳے نتیجے نکلدے پین، ترکے اچ ملݨ آلے پہاڑ جھیں مسلے کرونا دے باوجود حکومت سنبھال ڳھدن اتے معیشت بحالی دی راہ تے ہے۔ انہاں آکھیا جو مسلم لیگ (ن) اپݨے دور اچ معیشت تے کاسمیٹکس لیپ کیتا ہویا اہا جیڑھا عوام کوں بھڳتݨا پوندے، اساں کرونا دے باوجود رپورٹنگ نئیں روکی اتے فیٹیف وی آکھیے جو بلیک لسٹنگ پاکستان کیتے ہݨ آپشن نئیں ریہا۔ انہاں آکھیا جو پاکستان اوکھا ویلھا کݙھ ڳھدے اتے اپوزیشن اپݨے منفی پراپیگنڈے نال عوام دیاں اکھیں اچ مٹی نئیں سٹ سڳدی۔