اسلام آباد۔26فروری(اے پی پی)وفاقی وزیر برائے صنعت و پیداوار حماد اظہر آکھیے جو بھارت فیٹف کوں اپݨے فیدے کیتے پاکستان دے خلاف استعمال کرݨ دی کوشش کیتی ےا بھل ہر کوئی ڄاݨ ڳئے جو بھارت آپ دہشت گرداں دی مالی معاونت اچ ملوث اے۔ اے ڳالھ انہاں اسلام آباد اچ پریس کانفرنس کریندے آکھی۔ انہاں آکھیے جو پاکستان کرونا دے باوجود ایف اے ٹی ایف دا ٹاسک 90 فیصد پورا کیتے، جون اچ باقی نکات تے وی عملدرآمد کر ڳھنسوں، پاکستان دے چنڳے اقدامات پاروں پاکستان کوں ہݨ بلیک لسٹ اچ نئیں پاتا ونڄ سڳدا۔ انہاں آکھیا جو حکومت ملدے ہی ایہو چیلنج ہا جو پاکستان کوں بلیک لسٹ تھیوݨ توں بچایا ونڄے، پاکستان باقی 3 اہداف تے جزوی عمل کیتے، فیٹف پلان مختلف ٹائم لائنز نال پاکستان کوں ملیا ہا، ایں سانڳے وفاقی و صوبائی سطح تے کوششاں قابل تعریف ہین۔
