پنجویں سالانہ سرائیکی کلچرل کانفرنس، سرائیکی صوبے دی جدوجہد تیکھی کرݨ، چولستان اچ ناجائز الاٹمنٹ منسوخ کرݨ سودھا ثقافتی یونیورسٹی بݨاوݨ دی قرارداد منظور

اسلام آباد۔23فروری(اے پی پی)دسرائیکی فاونڈیشن ولوں پنجویں سالانہ سرائیکی کلچرل کانفرنس تھئء جیندے اچ سرائیکی صوبے دی جدوجہد تیکھی کرݨ، چولستان اچ ناجائز الاٹمنٹ منسوخ کرݨ سودھا ثقافتی یونیورسٹی بݨاوݨ دی قرارداد منظور کیتاں ڳین۔ کانفرنس اچ سرائیکی نیشنل پارٹی دے اڳواݨ سردار عبدالمجید خان کانجو، سرائیکی رہنما احمد نواز سومرو، مجاہد جتوئی، پی ٹی آئی رحیم یار خان دی ضلعی صدر صائمہ طارق، خاتون رہنما سیدہ انیسہ ہاشمی، سرائیکی فاونڈیشن دے چئیرمین جام اظہرمرادلاڑ، سرائیکی رہنما احمد خان کانجو ایڈووکیٹ، سرائیکی فاونڈیشن دے وائس چئیرمین عالمگیر خان، سرائیکی فاونڈیشن چولستان دے صدرغلام مصطفی مظہر شرکت کیتی اتے خطاب کیتے۔ کانفرنس اچ سرائیکی رہنما رازش لیاقت پوری، جام سلیم سعیدی، عمران اسد، نواز خان، راشد ملک، نازک فریدی، جام رفیق چولستانی، پی ٹی آئی رہنما سیف اللہ مہر، شعراء کرام، گلوکاراں سودھا ٻئے لوک وی موجود ہن۔ کانفرنس اچ مقررین سرائیکی صوبے دے قیام کیتے جدوجہد تیز کرں دا عزم دوہرائے اتے 6 قرارداداں منظور کیتن جیندے اچ سرائیکی صوبہ تیکھے بݨاوݨ، چولستان اچ ناجائز الاٹمنٹ ماک تے زمیناں چولستانیں کوں ڈیوݨ، چولستان انٹرنیشنل کلچرل یونیورسٹی بݨاوݨ، دیوان فرید سرکاری سطح تے چھاپݨ سودھا قلعہ ڈیروار دے ولا سوھݨپ تے کم کرݨ دی قرارداد منظور کیتی۔ شرکا آکھیا جو سرائیکی زبان کوں مادری زبان تے پرائمرای تئیں لازمی قرار ݙتا وںڄے۔