کرکٹ اتے سیاست اچ پہلے کامیابی نئیں ملی بھل میں ہمت نئیں سٹی اتے جدوجہد جاری رکھی اے، وزیراعظم عمران خان

APP68-240221 COLOMBO: February 24 - Prime Minister Imran Khan addressing at the inauguration ceremony of Sri Lanka's High Performance Sports Complex. APP

کولمبو ۔24فروری(اے پی پی)وزیراعظم عمران خان آکھیے جو کرکٹ اتے سیاست اچ پہلے پہلے میکوں کامیابی نئیں ملی بھل میں ہمت نئیں سٹی اتے جدوجہد جاری رکھی اے، جیڑھا چیلنجز نال نئیں نبڑ سڳدا او چیمپئن نئین بݨ سڳدا۔ اے ڳالھ انہاں کولمبو اچ سری لنکن وزیر کھیل و امور نوجوانان نامل راجا پکسے ولوں تقریب نال خطاب کریندے آکھی جیڑھی انہاں دے اعزاز اچ رکھی قعی ہئی۔ تقریب اچ سری لنکا دی پارلیمنٹ دے سپیکر اتے سپورٹس کمیونٹی دے لوکاں شرکت کیتی۔ انہاں آکھیا جو کھیݙ ساکوں وݙا سبق سکھیندن اتے اڳو تے ودھݨ دی راہ ݙکھیندن، اصل کھیݙاڑی اوہو ہوندے جیڑھا ناکامیاں توں سیکھ تے اڳو ودھدے۔ انہاں آکھیے جو جیوݨ اچ اچ ڄھیک آندے راہندن بھل ایندے توں ڳھبراوݨا نئین چاہیدا، مقابلہ کرݨا چاہیدے، جو کڄھ میں کرکٹ توں سیکھئے اوہو میݙے سیاست اچ کم آئے، ناکامیاں میکوں ہتھو حوصلہ ݙتے، اوکھ اچ ہی انسان دیاں صلاحیتاں ابھر تے سامݨے آندن۔ ایں توں پہلے وزیراعظم دے اعزاز اچ ظہرانہ وی ݙتا ڳئے۔