اسلام آباد۔4مارچ  (اے پی پی) وفاقی وزیر مواصلات مراد سعید آکھیا جو اپوزیشن سینیٹ الیکشن اچ نوٹاں دا استعمال کیتے، کرپٹ ٹولہ قوم دے سامھے بے نقاب تھی ڳئے۔ پاکستان تحریک انصاف قومی اسمبلی دے بعد سینیٹ دی اکثیریتی جماعت بݨ ڳئی اے۔ وزیراعظم قومی اسمبلی توں اعتماد دا ووٹ گھنسن۔ خمیس کوں اسلام آباد اچ میڈیا نال گالھ مہاڑ کریندیں ہوئیں مراد سعید آکھیا جو عمران خان دا موقف ہک وار ولا ٹھیک ثابت کرݨ سانڳے قوم دا شکریہ ادا کریندوں۔ انہاں آکھیا جو عمران خان اپوزیشن کوں این آر او ݙیوݨ توں انکار کیتا اتے احتساب دا نعرہ لاتا جئیں تے سارے کرپٹ ٹولا کٹھا تھی ڳئے۔