اسلام آباد۔3مارچ(اے پی پی) صدر مملکت ڈاکٹر عارف علوی آڈیٹر جنرل آف پاکستان  دے محکمہ کوں آکھے جو بہترین عالمی معیار اتے ٹیکنالوجی کوں استعمال کر تے آڈٹ دے نظام کوں مستحکم بݨایا ونڄے۔ ادارہ دی کارکردگی اتے صلاحیتاں اچ ودھارے سانڳے ڈی اے جی پی افسراں سانڳے بہترین تربیتی پروگرام اتے خصوصی تربیت کرݨ دی لوڑھ اے۔ اے ڳالھیں انہاں بدھ کوں دی آڈیٹر جنرل آف پاکستان جاوید جہانگیر نال ڳالھ مہاڑ کریندیں ہوئیں آکھی۔ آڈیٹر جنرل صدرمملکت کوں ادارے اچ اصلاحات دے عمل تے بریفنگ ڈتی ۔انہاں سرکاری اداریاں اچ مالی شفافیت یقینی بݨاوݨ ، احتساب اچ ودھارا اتے آڈٹ اچ بہتری سانڳے کیتے ڳئے اقدامات کوں اجاگر کیتا۔ بریفنگ اچ مشیر برائے ادارہ جاتی اصلاحات تے کفایت شعاری، ڈاکٹر عشرت حسین وی شرکت کیتی۔ ایں موقع تے ایڈیشنل آڈیٹر جنرل آف پاکستان فرخ حمید  اتے سینئر جوائنٹ سیکرٹری وزارت خزانہ عامر محمود حسین وی موجود ہن۔ صدرمملکت ایں موقع تے آکھیا جو بہترین عالمی معیار اتے ٹیکنالوجی کوں استعمال کر تے آڈٹ دے نظام کوں مستحکم بݨایا ونڄے۔