ملتان۔29مارچ  (اے پی پی) چولستان دے دوردراز علاقے اچ قلعہ دراوڑدے نڑے ٹورازم ڈویلپمنٹ کارپوریشن آف پنجاب (ٹی ڈی سی پی ) ولوں چولستان ریزارٹ دا95فیصد کم پورا تھی ڳئے ۔ پنج ایکڑ توں ودھ رقے تے بݨݨ آلے ایں ریزارٹ اچ 200 لوکاں دے بہوݨ اتے کھاوݨ پیوݨ سانڳے ہک ریسٹورنٹ، چھی رہائشی کمرے، چولستان جیپ ریلی دے موقع تے درکار سامان سانڳے مختلف سٹورز دے علاوہ ریزارٹ منیجر ہائوس اتے سٹاف ہائوس دے نال نال 20 باتھ رومز، پارکنگ ایریا اتے کیمپنگ سائٹ بݨائی ڳئی اے۔