افغانستان اچ امن عمل دی بحالی دی اڄوکی کوششاں سوھݨی ڳالھ اے، سازش کرݨ آلے امن مذاکرات کوں روکݨ سانڳے روڑے پا سڳدن، پاکستان

اقوام متحدہ۔24مارچ (اے پی پی) پاکستان افغانستان اچ کشیدگی مکاوݨ سانڳے افغانستان اچ امن عمل دی بحالی دی اڄوکی کوششاں کوں خوش آئند آکھدیں ہوئیں آکھیا جو سازش کرݨ آلے امن مذاکرات کوں روکݨ سانڳے روڑے پا سڳدن۔ اقوام متحدہ اچ پاکستان دے مستقل مندوب منیر اکرم ، اقوام متحدہ دے سیکرٹری جنرل انتونیو گوتریش دی کابل اچ آپݨی خصوصی نمائندہ ڈیبورا لیونز دی افغانستان دی صورتحال تے ویڈیو لنک دے بعد سلامتی کونسل اچ آپݨا بیان جمع کریندیں ہوئیں سارے فریقین تے زور ڈتا جو او افغانستان اچ جنگ بندی سانڳے پرتشدد کاروائیاں اچ گھٹکی سانڳے کوششاں کرن۔