اپوزیشن دے فائدے اچ کائنی جو الیکشن شفاف تھیون، مسلم لیگ ن نوٹ کوں ووٹ نال تشبیہ ݙیوݨ دی ناکام کوشش کیتی اے، وفاقی وزیر اطلاعات سینیٹر شبلی فراز دا پریس کانفرنس نال خطاب

اسلام آباد۔5مارچ  (اے پی پی) وفاقی وزیر اطلاعات تے نشریات سینیٹر شبلی فرازآکھیا جو اپوزیشن دے فائدے اچ کائنی جو الیکشن شفاف تھیون، مسلم لیگ ن نوٹ کوں ووٹ نال تشبیہ ݙیوݨ دی ناکام کوشش کیتی اے، او ایجھے لوکاں کوں منتخب کرݨ چاہندن جیڑھے اہلیت رکیھیندے ہوون اتے نہ قابلیت، انہاں دی ترجیحات آپݨے کاروبار کوں ودھاوݨ اے۔ عوام دے فائدے اتے حقوق دا علم وزیراعظم عمران خان چاتا ہوئے، قومی انتخاب اتے سینیٹ انتخابات بارے اساݙا بیانیہ نشابر تھی ڳئے جو کون کیڑھے پاسے کھڑے، پتر دی ویڈیو دے بعد یوسف رضاگیلانی کوں ݙوجھے ݙینھ استعفیٰ ݙے ݙیوݨا چاہیدا ہئی۔ او جمعے کوں وفاقی وزیر سائنس اینڈ ٹیکنالوجی چوہدری فواد حسین اتے جتݨ آلے سینیٹر بیرسٹر علی ظفر دے رلے پی آئی ڈی اچ پریس کانفرنس نال خطاب کریندے پئے ہن۔ وفاقی وزیر اطلاعات ونشریات سینیٹر شبلی فراز آکھیاجو پچھلے کئی ہفتیاں اتے مہینیاں توں عمران خان اتے انہاں دی حکومت ایں ڳالھ تے زور ݙیندی پئی ہئی جو انتخابی عمل شفاف تھیوݨا چاہیدے،انہاں آکھیا جو شفاف الیکشن دے بعد اساݙا ایوان دا تقدس بحال اتے 1985 توں شروع تھیوݨ آلے پیسے دے کلچر دا خاتمہ ممکن اے، پیسیاں دے کلچر نال ایوان اچ آوݨ آلیاں دی ترجیحات عوام نی پیسہ کماوݨ ہوندے۔