بلوچستان شاندار روایات اتے تاریخی ورثہ دا امین اے،وفاقی وزیر تعلیم، قومی ورثہ و کلچر ڈویژن شفقت محمود دی بلوچستان کلچرل ڈے تے ڳالھ مہاڑ

APP52-020321 QUETTA: March 02 - Students performing traditional dance to celebrate Baloch Culture Day at Balochistan University. APP photo by Mohsin Naseer

اسلام آباد۔2مارچ(اے پی پی)وفاقی وزیر تعلیم، قومی ورثہ و کلچر ڈویژن شفقت محمود  آکھیے جو بلوچستان شاندار روایات اتے تاریخی ورثہ دا امین اے،بلوچستان دی ثقافت پاکستان دی سنڄاݨ اے۔ اے ڳالھ انہاں پی ا ین سی اے ولوں نیشنل آرٹ گیلری اوپن ائیر تھیٹر اچ بلوچستان کلچرل ڈے ویلھے محفل موسیقی اچ شرکت کریندے آکھی۔ انہاں آکھیا جو ثقافت ہک وݙی طاقت ہوندی اے جیڑھی علاقے اتے لوکاں دی اصل سنڄاݨ ہوندی اے، اڄوکی حکومت بلوچستان دے فنکاراں کوں قومی سطح تے متعارف کراوݨ اتے ہکو جھیں موقع ݙیوݨ اچ لڳی ہوئی اے۔ تقریب اچ بلوچستان توں کہکشاں خواتین دا بینڈ، نور سر اتے بنور بینڈ بلوچ لوک موسیقی پیش کیتی۔ یونیورسٹیز دے طلباء مشہور بلوچی رقص آتن اتے چاپ کیتن۔