دشمن دے روایتی اتے ہائبرڈ حملیاں دا تروڑکرݨ سانڳے مسلح فوج دی پیشہ وارانہ تیاریاں دے نال نال ہائبرڈ جنگی حکمت عملی بݨاوݨی پوسی۔ صدرمملکت دا پہلی ایرو سپیس اینڈ نیشنل سکیورٹی ورکشاپ دے شرکا اچ سرٹیفکیٹ تقسیم کرݨ دی تقریب نال خطاب

APP05-020321 ISLAMABAD: March 02 - President Dr. Arif Alvi addressing the certificate distribution ceremony of Aerospace and National Security Workshop (AERONS-21). APP

اسلام آباد۔2مارچ(اے پی پی) صدر مملکت ڈاکٹرعارف علوی آکھیا جو ساکوں دشمن دے روایتی اتے ہائبرڈ حملیاں دا تروڑکرݨ سانڳے مسلح فوج دی پیشہ وارانہ تیاریاں دے نال نال ہائبرڈ جنگی حکمت عملی بݨاوݨی پوسی۔ معاشرے دے سارے طبقیاں کوں ہکو سویں موقع ݙیوݨے پمسن۔ اے ڳالھیں انہاں منگل کوں پاکستان ایئرپورٹ ہیڈکوارٹرز (پی اے ایف) اچ پہلی ایرو سپیس اینڈ نیشنل سکیورٹی ورکشاپ ایرون 2021 دے شرکا اچ سرٹیفکیٹ تقسیم کرݨ دی تقریب نال خطاب کریندیں ہوئیں آکھی۔ کانفرنس اچ ارکان پارلیمنٹ، سرکاری ملازمین اتے صحافیاں سودھے 36 بندے شریک تھیے۔ 22 فروی توں 2 مارچ تئیں تھیوݨ آلی کانفرنس اچ ملک کوں درپیش چیلنجز ، سٹرٹیجک خود مختاری اتے معاشی خود کفالت تے توجہ ڈتی ڳئی۔ صدرمملکت تقریب نال خطاب کریندیں ہوئیں آکھیا جو ملک اچ پہلی واری ایرو سپیس ورکشاپ کراوݨ تے مبارکباد ڈینداں۔ انہاں آکھیا جو دشمن دے روایتی اتے ہائبرڈ حملیاں دا تروڑکرݨ سانڳے مسلح فوج دی پیشہ وارانہ تیاریاں دے نال نال ہائبرڈ جنگی حکمت عملی بݨاوݨی پوسی۔

متعلقہ مضامینمصنف کی طرف سے مزید