سرائیکی عوامی سنگت دے اڳواݨ ادا قاسم خان لاشاری مرحوم دی یاد ءچ مکاݨی کٹھ

اسلام آباد۔5مارچ  (اے پی پی) سرائیکی عوامی سنگت پاکستان دے اڳواݨ ادا قاسم خان لاشاری مرحوم دے چلہیئے دے موقع تے مکاݨی کٹھ چک کیہل ءچ تھیا،ایں عظیم الشان تحریکی کٹھ اچ میر حسان الحیدری،نذیر لغاری،عاشق خان بزدار،صدر سرائیکی عوامی سنگت مشتاق فریدی، رہبر سرائیکی عوامی تریمت تحریک ادی عابدہ بتول،پروفیسر جاوید چانڈیو،شاہد جتوئی،ظہور دھریجہ ،منظور خان دریشک، امان اللہ ارشد،جہانگیر مخلص،خادم حسین مخفی،مظہر سعید گوپانگ،نذر عباس ،نازک خان لاشاری،ظفر لاشاری،عابد خان ،زاہد خان،سرفراز لغاری،یوسف قاسم لاشاری،ایان قاسم لاشاری، میاں عثمان طاہر،راشد عزیز بھٹہ،مصطفیٰ عزیز،سجاد ملک،عمران لاڑ،ملک ریاض،خلیل بلوچ،اسحاق لغاری،رشید جراݨی،پرویز جوئیہ ،طارق محمود،حیدر شکیل لاشاری،رانا نعیم ،بلال ملک،مرید گھوٹیہ ،عبدالخالق اچھا،ادی سعدیہ شکیل،ادی شائستہ جتوئی،ادی شہربانو زاہد ،ادی زبیدہ اچھا،ادی ممتاز ملک ،شانزہ لاشاری ،زوہیر خورشید تے  ٻنہاں سرائیکی تحریکی سنگتیں ودھیک تعداد شرکت کیتی.سرائیکی  اڳواݨاں تے دانشوراں ادا قاسم خان لاشاری دی سرائیکی تحریک کیتے خدمات کوں خراج عقیدت پیش کیتا.مقررین آکھیا قاسم خان لاشاری دی سرائیکی قوم سانگے عظیم خدمات کوں ہمش یاد رکھیا ویسی،مرحوم دی سرائیکی تحریک ءچ پینتری ورھیاں دی جدجہد نوٌیں نسل کیتے سوجھل راہ اے.سرائیکی اڳواݨاں تے دانشوراں عہد کیتا جو اساں قاسم خان لاشاری دے وچھوڑے دے جھوری ݙکھ کوں آپݨیں طاقت بݨا اُنہاں دے مشن تے مقصد کوں پورا کرݨ سانگے چھیکڑی ساہ تئیں ٻان مریسوں.وݙیرہ تے سکھا شاہی نظام دے باغی چک کیہل دے مرد مجاہد قاسم خان لاشاری دی قوم سانگے عظیم جدوجہد کوں جاری رکھیسوں. ایں تحریکی کٹھ اچ شاعراں آپݨا کلام  سݨایا تے مرحوم دی خدمات کوں بھر پور خراج عقیدت پیش کیتا.