اسلام آباد۔4مارچ (اے پی پی) وفاقی وزیر اطلاعات تے نشریات سینیٹر شبلی فراز آکھیا جو عمران خان نویں جمہوری روایات دا منڈھ بدھ ݙتے، وزیراعظم بغیر کہیں دبائو دے ذاتی طور تے فیصلہ کیتے جو او چھی مارچ کوں ایوان توں ولا اعتماد دا ووٹ گھنسن۔ اپوزیشن تاں ایں ڳالھ تے وی پریشان اے جو وزیراعظم کیوں اعتماد دا ووٹ ڳھندے پئن۔ ہݨ اے طے تھی ڳئے جو جمہوری اقدار تے ای چلسی۔ دھونس،دھاندلی، لٹ مار دی سیاست نال ملک نی چل سڳدا۔ او خمیس کوں نجی ٹی وی نال ڳالھ مہاڑ کریندے پئے ہن۔ انہاں آکھیا جو وزیراعظم اتحادی جماعتاں دے مشورے دے بعد صادق سنجرانی کوں چیئرمین سینیٹ سانڳے امیدوار نامزد کیتے۔
