وزیراعظم عمران خان اعتماد دے ووٹ اچ سرخرو تھیسن،وفاقی وزیر داخلہ شیخ رشید احمد دی میڈیا نال ڳالھ مہاڑ

اسلام آباد۔5مارچ (اے پی پی) وفاقی وزیر داخلہ شیخ رشید احمد آکھیا جو وزیراعظم عمران خان اعتماد دے ووٹ اچ سرخرو تھیسن۔ جمعے کوں اتھاں میڈیا نال ڳالھ مہاڑ کریندیں ہوئیں انہاں آکھیا جو اپوزیشن جماعتاں ڈھائی سال پوری کوشش کیتی جو وزیراعظم عمران خان ناکام تھیون پر او کائنی تھے۔ہک سوال دے جواب اچ شیخ رشید احمد آکھیا جو الیکشن کمیشن آف پاکستان دی پریس ریلیز ݙیکھݨ دی بجائے ہفتے کوں تھیوں آلے قومی اسمبلی دے اجلاس آلے پاسے ݙیکھݨا چاہیدے۔