اسلام آباد۔5مارچ(اے پی پی) وزیراعظم عمران خان دے ریاست مدینہ دے وژن دے تحت سادگی اتےکفایت شعاری دے اقدامات دے تحت وزیراعظم آفس دے خرچے اچ گھٹکی دے وعدے دے مطابق مالی سال 2020 اچ وزیراعظم آفس دے آپریٹنگ خرچیاں اچ نشابر گھٹکی تھئی اے۔ وزیراعظم عمران خان اقتدار اچ آوݨ توں پہلے اتے وزارت عظمیٰ دا منصب سنبھالݨ ویلھے وزیراعظم ہائوس اتے وزیراعظم آفس دے خرچیاں اچ کفافیت شعاری بارے مثال بݨاوݨ دا وعدہ کیتا ہئی۔بجٹ تے سرکاری دستاویزات دے مطابق وزیراعظم آفس سانڳے آپریٹنگ خرچے دی مد اچ مالی سال 2020 اچ 218 ملین روپے رکھیے گئے ہن اتے کفایت شعاری دے اصولاں تے عمل کریندیں ہوئیں خرچیاں دا حجم 46 ملین روپے ریکارڈ کیتا ڳئے جیڑھا جو تخنیمہ بجٹ توں ٻہوں گھٹ اے۔
