وزیر اعظم عمران خان دستور پاکستان دی شق 91 دی ذیلی شق 7 دے تحت قومی اسمبلی توں اعتماد دا ووٹ گھنسن

اسلام آباد۔5مارچ(اے پی پی) وزیر اعظم عمران خان دستور پاکستان دی شق 91 دی ذیلی شق 7 دے تحت قومی اسمبلی توں اعتماد دا ووٹ گھنسن۔ آئین دے مطابق ایں شق اچ اے جو وزیراعظم صدر دی خوشنودی وچال عہدے تے فائز رہسی، پر صدر ایں شق دے تحت آپݨے اختیارات استعمال کائنا کریسی اوں تئیں جو اے اطمینان نہ ہووے جو وزیراعظم کوں قومی اسمبلی دے ارکان دی اکثریت دا اعتماد کائنی، ایں صورت اچ او قومی اسمبلی دا اجلاس سݙیسی اتے وزیراعظم کوں اعتماد دا ووٹ گھنݨ دا حکم ݙیسے۔