ٹیکس اصلاحات دا مقصد ٹیکس دے نظام کوں سوکھا بݨاوݨ اے، اصلاحات نال ٹیکس دے نظام اچ اڄوکی خامیاں کوں دورکیتا ویسی، وزیر اعظم عمران خان

اسلام آباد۔5مارچ  (اے پی پی) وزیر اعظم عمران خان آکھیا جو ٹیکس اصلاحات دا مقصد ٹیکس دے نظام کوں سوکھا بݨاوݨ اے، اصلاحات نال ٹیکس دے نظام اچ اڄوکی خامیاں کوں دورکیتا ویسی۔ وزیراعظم آفس دے میڈیا ونگ توں جاری بیان دے مطابق اے ڳالھیں انہاں جمعے کوں اتھاں ٹیکس اصلاحات بارے اجلاس دی صدارت کریندیں ہوئیں آکھی۔ اجلاس  اچ  وفاقی  وزیر اقتصادی امور مخدوم خسرو بختیار،  وفاقی وزیر خزانہ ڈاکٹر عبدالحفیظ شیخ، وفاقی وزیر منصوبہ بندی تے ترقی  اسد عمر،  وفاقی وزیر صنعت و پیداوار حماد اظہر،  وزیر اعظم دے مشیر  برائے تجارت عبدالرزاق داؤد،  وزیرا عظم دے معاونین خصوصی ڈاکٹر عشرت حسین،  ڈاکٹر وقار مسعود، تابش گوہر، ندیم بابر، چیئرمین سرمایہ کاری بورڈ ،تے ٻئے سینئر افسر شریک تھیے۔ اجلاس نال خطاب کریندیں ہوئیں وزیراعظم آکھیا جو ٹیکس اصلاحات دا مقصد ٹیکس دے نظام کوں سوکھا بݨاوݨ اے، اصلاحات نال ٹیکس دے نظام اچ اڄوکی خامیاں کوں دورکیتا ویسی۔