اسلام آباد۔8مارچ (اے پی پی) پاکستان تحریک انصاف یوسف رضا گیلانی دی کامیابی دا نوٹیفکیشن روکݨ اتے ٓئین دے آرٹیکل 218 دی شق 3 دے تحت کرپٹ پریکٹسز دی تحقیقات سانڳے درخواست دی فوری سماعت سانڳے ہک ٻئی درخواست جمع کرا ݙتی اے۔ تحریک انصاف دی رہنماواں الیکشن کمیشن توں مطالبہ کیتے جو جڈاں تئیں ایں پٹیشن دا فیصلہ نی تھیندا تاں اوں ویلھے تئیں چیئرمین سینیٹ دے چݨائو موخر کیتا ونڄے۔ سنوار کوں الیکشن کمیشن اچ تحریک انصاف دے رہنما فرخ حبیب، کنول شوذب اتے ملیکہ بخاری الیکشن کمیشن اچ درخواست جمع کرائی۔
