پاک فوج دے سربراہ جنرل قمر جاوید باجوہ نال پاکستان اچ جرمنی دے سفیر برنارڈ اسٹیفن شلاگیک دی ملاقات

راولپنڈی۔4مارچ (اے پی پی) پاک فوج دے سربراہ جنرل قمر جاوید باجوہ نال پاکستان اچ جرمنی دے سفیر برنارڈ اسٹیفن شلاگیک ملاقات کیتی جئیں اچ آپسی دلچسپی دے معاملے، علاقائی صورتحال، مختلف شعبیاں اچ ݙو پاسہ تعاون اتے افغان امن عمل دے معاملے تے ڳالھ مہاڑ کیتی ڳئی۔ آئی ایس پی آر دے مطابق اے ملاقات جی ایچ کیو راولپنڈی اچ تھئی۔ پاک فوج دے سربراہ آکھیا جو پاکستان جرمنی نال آپݨے تعلقات کوں اہمیت ݙیندے۔ انہاں ستمبر2020 اچ پاک جرمنی اسٹریٹجک مذاکرات دے پنجویں دور دے انعقاد کوں وی سراہیا اتے امید کیتی جو ݙو پاسہ تعلقات نال آپسی فائدہ تھیسی۔