ملتان۔7اپریل  (اے پی پی):ملتان اچ کورونا وائرس توں گزریل چووی گھنٹے اچ 9 مریض انتقال کرڳئن۔بدھ دے ݙینھ نشترہسپتال توں جاری اعداد وشمار موجب گزریل 24 گھنٹے اچ کورونا وائرس توں متاثرہ 9 مریض انتقال کرڳئن جنہاں اچوں 2 تریمتاں 70 سالہ نزیراں بی بی، 51 سالہ صغراں بی بی اتے 7 مرد شامل ہن جنہاں اچ 80 سالہ اکبر علی ،40 سالہ قربان علی ،75 سالہ خادم حسین، 49 سالہ محمد سلمان، 81 سالہ محمد آزاد ،65 سالہ غلام عباس اتے  57 سالہ سعید انجم شامل ہن۔ نشترہسپتال ملتان کوروناوارڈدے فوکل پرسن ڈاکٹرعرفان ݙسایا جو 24 گھنٹے اچ مزید 144مریضاں کوں ہسپتال گھن آیا ڳئے جنہاں دے کورونا ٹیسٹ کیتے ڳئن ،جنہاں اچوں 90 دے ٹیسٹ مثبت آئے اتے 34دی منفی رپورٹ آئی۔