اسلام آباد۔8اپریل  (اے پی پی):وزارت قومی صحت دے ترجمان آکھیے جو ڈاکٹر فیصل سلطان دی قیادت اچ وزارتِ صحت اچ اصلاحات کیتیاں ویندیاں پئن ، عوام الناس کوں معیاری علاج دیاں سہولتاں ݙیوݨ کوں یقینی بݨیندے پیوں ، صحت دے شعبے اچ بہتری کیتے عملی اتے موثر اقدامات کریندے پیوں ۔ خمیس کوں وزارت صحت ولوں جاری بیان اچ ترجمان آکھیے جوآئیسولیشن ہسپتال و انفیکشیئس ٹریٹمنٹ سنٹر دا افتتاح جولائی 2020 اچ تھیا ہئی ۔ کورونا وائرس نال نمٹم کیتے خصوصی اتے شاندار ویکسینیشن سنٹر قائم کیتے ۔ عوام کوں معیاری علاج دیاں سہولتاں ݙیوݨ کوں یقینی بݨیندے پیوں ۔انہاں آکھیے جو آئی ایچ آئی ٹی سی 250 بستریں تے مشتمل کورونا دا جدید ترین ہسپتال اے۔ وزارت قومی صحت آئیسولیشن ہسپتال دا انتظام و انصرام جنوری 2020 اچ سنبھالیا ہئی ۔ آغاز تے آئیسولیشن ہسپتال 35 بیڈز دے نال خدمات دا آغاز کیتا ہئی ۔  تریجھی کورونا لہر اچ وزارت صحت آئیسولیشن ہسپتال دے استعداد کار اچ ودھارا کیتے ۔ آئیسولیشن ہسپتال 105 کورونا بیڈز دے نال بھرپور فعال ہے۔