اسلام آباد۔8اپریل  (اے پی پی):وزیراعظم عمران خان آکھیے جو کورونا وائرس دی صورتحال توں ترقی پذیر ملکاں کوں ودھ ضیان تھئے، لوکاں کوں صرف کورونا توں نی بلکہ بے روزگاری توں وی بچاوݨاں اے ،لکھاں بندے بے روزگار اتے کروڑاں مقروض تھی ڳئن ، دنیا دے مختلف ملکاں کوں ہک ݙوجھے نال رل تے کم کرݨا ہوسی ، ڈی ایٹ فورم کوں ثقافت، تعلیم اتے زرعی شعبہ دے ودھارے کیتے استعمال کیتا ونڄ سڳدے ۔ اے ڳالھ انہاں خمیس کوں 10ویں ڈی ایٹ ورچوئل سمٹ توں خطاب کریندے ہوئیں آکھی اے ۔وزیراعظم آکھیے جو ڈی ایٹ پچھلے 4 سال توں موثر انداز اچ کردار ادا کریندا پئے ، کورونا وائرس دی وجہ توں کروڑوں لوک مقروض تھی ڳئن جݙاں جو لکھاں بندے بے روزگار تھئن اتے دنیا دی معیشت کوں ضیان تھئے ، انہاں آکھیے جو اساکوں نویں پلیٹ فارم ݙیوݨے ہوسن ، کورونا وائرس ترقی پذیر ملکاں کوں ضیان پجائے اساکوں نینگراں کوں تعلیم دے نال ہنر سکھاوݨاں ہوسی ۔ انہاں آکھیے جو ٹیکنالوجی دے حوالے نال ڈی ایٹ کوں نویں اقدامات کرݨے ہوسن ، ترقی پذیر ملکاں کوں ٹیکنالوجی دے ودھارے کیتے اقدامات کرݨے ہوسن ۔وزیراعظم آکھیے جو ڈی ایٹ فورم کوں موثر انداز نال استعمال کیتا ونڄ سڳدے ، دنیا دے ملکاں کوں ہک ݙوجھے نال رل تے کم کرݨا ہوسی ۔