ایران نال ݙو پاسہ تعلقات کوں پہلے توں ودھ مضبوط اتے مستحکم بݨیسوں، بارڈر مارکیٹاں دے قیام تے وی ڳالھ مہاڑ تھیسی، وزیرخارجہ شاہ محمود قریشی دا وڈیو سنیھا

اسلام آباد۔20اپریل (اے پی پی) وزیر خارجہ مخدوم شاہ محمود قریشی آکھیا جو ایران صرف پاکستان دا ہمسایہ ملک کائنی ہک ازمایا ہوئیا دوست اے۔ ایران نال ݙو پاسہ تعلقات کوں پہلے توں ودھ مضبوط اتے مستحکم بݨیسوں، بارڈر مارکیٹاں دے قیام تے وی ڳالھ مہاڑ تھیسی۔ منگل کوں ایران روانہ تھیوݨ توں پہلے، دورہ ایران بارے وزیرخارجہ ویڈیو سنیھے اچ آکھیا جو میں ایران دے وزیر خارجہ جواد ظریف دا شکریہ ادا کرینداں جو او کئی واری پاکستان تشریف ڳھن ائے۔ انہاں آکھیا جو ایران اچ اتھاں میکوں ایرانی قیادت نال خطے دی صورتحال دا موقع ملسی۔ انہاں آکھیا جو افغان امن عمل اچ ٻہوں نویں پیشرفت تھین۔ انہاں آکھیا جو ایران نال ݙو پاسہ تعلقات کوں پہلے توں ودھ مضبوط اتے مستحکم بݨیسوں، بارڈر مارکیٹاں دے قیام تے وی ڳالھ مہاڑ تھیسی۔