صدر مملکت ڈاکٹر عارف علوی دی کوئٹہ دھماکے دی شدید مذمت

اسلام آباد۔22اپریل  (اے پی پی) صدر مملکت ڈاکٹر عارف علوی دی کوئٹہ دھماکے دی شدید مذمت کریندیں ہوئیں قیمتی جاناں دے ضیان تے ݙکھ تے افسوس کیتے۔ خمیس کوں اتھاں ایوان صدر دے میڈیا ونگ توں جاری ہک بیان اچ صدرمملکت آکھیا جو ملک دشمن عناصر پاکستان دا امن تے سکون برباد کرݨ چاہندن۔ رمضان المبارک اچ ایجھی کاروائی کرݨ آلے ملک دشمن اتے اسلام دشمن ہن۔ انہاں شہیداں دے درجات دی بلندی اتے زخمیاں دی جلدی صحت یابی سانڳے دعا کیتی۔