اسلام آباد۔20اپریل (اے پی پی) وفاقی وزیر داخلہ شیخ رشید احمد آکھیا جو قومی اسمبلی اچ فرانسیسی سفیر دی ملک بدری دی قرارداد پیش کریسوں، ٹی ایل پی سارے ملک توں دھرنا ختم کریسی اتے ڳالھ مہاڑ اتے مذاکرات دا سلسلسہ اڳوں ودھایا ویسی۔ آپݨے ویڈیو سنیھے اچ انہاں آکھیا جو جنہاں لوکاں دے خلاف مقدمے درج ہن بشمول فورتھ شیڈول دے، انہاں دا وی اخراج کیتا ویسی، وزیرداخلہ آکھیا جو او ایں بارے جلدی پریس کانفرنس کریسن۔
