اسلام آباد۔21اپریل (اے پی پی) وزیراعظم عمرا ن خان آکھیا جو پاکستان تیونس نال آپݨے تعلقات کوں ٻہوں اہمیت ݙیندے جیڑھے جو سانجھے مذہب،ثقافت اتے تاریخ تے مبنی ہن۔ اے ڳالھیں انہاں بدھ کوں اتھاں پاکستان اچ تیونس دے سفیر برہان الکامل نال ڳالھ مہاڑ کریندیں ہوئیں آکھی جنہاں وزیراعظم نال ملاقات کیتی۔ ملاقات اچ ݙو پاسہ تعلقات اتے بین الاقوامی معاملیاں تے ڳالھ مہاڑ کیتی ڳئی۔ وزیراعظم عمران خان مسلم امہ دے رہنمائاں دے ناں خط لکین جئیں اچ اسلاموفوبیا دے مسئلے اتے پوری دنیا اچ مسلمان ملکاں ولوں ایں معاملے کوں رل تے چاوݨ تے زور ݙتا ڳئے۔ تیونس دے سفیر وزیراعظم دے خط دے جواب اچ تیونس دے صدر ولوں ہک خط وی انہاں دے حوالے کیتا۔
