اسلام آباد۔19اپریل (اے پی پی) وزیر اعظم عمران خان نال معروف روسی تاجراں دے وفد ملاقات کیتی۔ چیئرمین بورڈ آف ڈائریکٹرز ٹی ایم کے اتے سینارا گروپ دےصدر دمتری پمپیا نسکی دی قیادت اچ روسی وفد دے ٻئے ارکان اچ میخائل پاپوف ، الیگزینڈر پمپیوئنسکی ، آندرے پرخومچک ، ولادیمر شیچر باتوخ ، انتون زوبیخن ، ایوگنئی پوپلاوسکی ، میکسم پاولوف اتے انیساتا بیرخانوفا شامل ہن جڈانجو ایں موقع تے حماد اظہر ، شوکت فیاض ترین ، عبدالرزاق داؤد ، ذوالفقار عباس بخاری ، تابش گوہر ، عاطف بخاری اتے ٻئے پاکستانی اعلیٰ حکام وی موجود ہن۔ ملاقات اچ روس اتے پاکستان اچ وݙے پیمانے تے مینوفیکچرنگ ، ریلوے اتے توانائی دے شعبے اچ آپسی تعاون ودھاوݨ تے تفصیلی ڳالھ مہاڑ کیتی ڳئی۔
